Ikasketa-Planak

KONZEPTU OROKORRAK

Ikasketa plan barriak

Unibertsitateko irakaskuntzaren erreforma-prozesuak titulazino barriak sortu ditu gure herrian. Titulazino barrion helburua espezializazinoa da, hau da, gizarteak, lan arloak eta eskola munduak eskatzen daben espezializazinoari erantzutea da helburua, eta, era berean, malgutasuna be emon gura dau ikasleak bere kurrikulu akademikoa osatu daian.

Kreditu sistema

Ikasketa planen erreformak “kreditua” erabilten dau balio-unitate barri moduan, honen inguruan eraikiz ikasketa plan osoa. Irakasgai bakoitzak balioespen bat du kreditutan. Kreditu batek hamar eskolordutako balioa dauka. Irakasleak kredituak lortzeko izango dauan modua unibertsitateak ezarritako jakintza-balioespenerako eta ebaluaketarako sistemen araberakoa izango da.

Lauhilabetekoen egitura

“Begoñako Andra Mari” Irakasleen Unibertsitate Eskolako ikasketa-planetan lauhilabeteko ikasgaiak dagoz. Lehenengo mailako irakasgaiak ikasketa-planean zehazturiko lauhilabetean irakatsiko dira. Eskoleak berak erabakiko dau bigarren eta hirugarren mailako ikasgaiak zein lauhilabetetan emon.

Ikasgai motak

Ikasketa-plan barrietan kreditu bidez baloratuko dira ikasgaiak. Ikasgaien sailkapena hurrengoa da:

• Enborreko irakasgaiak: titulu bera lortzeko, unibertsitate guztietako ikasketa-planetan derrigor egon behar dabenak. Ministerioak zehazten dau bai kredituen gitxieneko kopurua bai ikasgaien oinarrizko edukinak ere. Ikasleek derrigorrez egin beharko ditue.

• Derrigorrezko ikasgaiak: Unibertsitateak ikasketa-plan bakoitzean ezarri nahi dituanak dira. Ikasleek derrigorrez egin beherko ditue.

•  Hautazko irakasgaiak: “Begoñako Andra Mari” Irakasletza Unibertsitate- Eskolak, berak ikasturte bakoitzean eskeintzen dituanak ikasleek aukeratzeko. Hautazko ikasgai multzoa ikasketa-plan bakoitzean agertuko da eta ikasleak plan horretan ezarritako kreditu kopurua bete beharko dau.

• Aukera askeko irakasgaiak: Ikasleak egin nahi  dituanak dira, eta lortu nahi dauan titulazinoaren ikasketa-planean eskainitakoetatik kanpo dagozanak izan daitekez. Kreditu honeek (UPV/EHUren Aukera Askeko Zirkularrean araututakoak) beteteko bide desbardinak dagoz. Irakasle ikasketetan  21 kreditu bete behar ditu ikasleak.